Әдебиеттік оқу сабақтарында оқырмандық сауаттылықты қалыптастыру» тақырыбы бойынша біліктілікті арттыру курсы.

Бастауыш сынып мұғалімдері Исаева Римма Сергеевна, Ткаченко Алёна Давыдовна, Кузнецова Галина Александровна, Сұлтангереева Гүлім Мейрамбекқызы 25 мамыр мен 5 маусым аралығында «Әдебиеттік оқу сабақтарында оқырмандық сауаттылықты қалыптастыру» тақырыбында біліктілікті арттыру курсынан өтуде.

Оқу барысында педагогтер оқушылардың оқырмандық сауаттылығын дамытудың заманауи тәсілдері мен тиімді әдістемелерімен танысып, саналы оқу, мәтінді талдау, сыни ойлау және ақпаратпен жұмыс жасау дағдыларын қалыптастыру жолдарын меңгеруде.

Курстарда оқушылардың кітап оқуға деген қызығушылығын арттыруға, шығармалардың мазмұнын түсінуге, қорытынды жасауға және өз пікірін дәлелдеуге көмектесетін практикалық әдіс-тәсілдерге ерекше назар аударылуда.

Алған білімдері мен дағдыларын педагогтер әдебиеттік оқу сабақтарында тиімді қолдана отырып, білім беру сапасын арттыруға және білім алушылардың функционалдық сауаттылығын дамытуға ықпал етеді.

Педагогтердің кәсіби шеберлігін арттыру – білім беру үдерісін жетілдірудің және оқытуда жоғары нәтижелерге қол жеткізудің маңызды шарты болып табылады.